Университетын эртымгорныжо

1972 ий, 1-ше идым тылзе – университет шке омсажым студент-влаклан почеш. Ныл факультет лийын: физике да математике, историй да филологий, ялозанлык, биологий да химий.

1972 ий, 25-ше кылме тылзе – университетым почмо пайрем эртаралтеш.

1972 ий – анатомий да зоологий кафедр кок посна кафедрлан шелалтеш: зоологий кафедр, айдеме ден янлыкын анатомийже да физиологийже кафедр. Тиде ийыштак факультетыште икымше шымлыше лабораторий почылтеш.

1974 ий, ага тылзе – ботанике кафедр деч кушкыл-влакын физиологийышт кафедр посна ойырла.

1975 ий, 21-ше ага тылзе – руш йылме кафедр негызеш руш йылме да сылнымут кафедр, марий йылме да сылнымут кафедр почылтыт.

У кафедр-влак ешаралтыт: чумыр историй, кушкылым куштымаш, органике да биологический химий.

1977 ий, 24-ше сÿрем тылзе – математике анализ да функцийын теорийже кафедр почылтеш.

1980 ий, 2-шо пеледыш тылзе - бухучет, анализ да статистике кафедрлан негыз ышталтеш.

1981 ий, 3-шо пеледыш тылзе – ялозанлык факультет деч экономике факультет ойырла (квалификаций-влак: ялозанлык экономике, ялозанлыкыште бухучет).

Частный зоотехний кафедр чумыр зоотехний кафедр деч ойырла.

Марий йылме да сылнымут кафедр марий филологий кафедрыш савырна.

1982 ий, 9-ше пеледыш тылзе – математике кафедр математике анализ да функцийын теорийже кафедр деч ойырла.

1983 ий, 30-шо пеледыш тылзе – ялозанлык да ялозанлык производствын механизацийже кафедр негызеш ялозанлык кафедр да ялозанлык производствын механизацийже да электрификацийже кафедр шочеш.

Отечественный историй кафедр чумыр историй кафедр деч ойырла.

1985 ий, 8 – 10-шо пургыж тылзе – университет икымше фольклор фестивальым эртара.

1985 ий, 25-ше сÿрем тылзе – руш йылме да сылнымут кафедр руш йылме да чумыр йылмышанче кафедрлан, руш да йот сылнымут кафедрлан шелалтеш.

1987 ий, 24-ше угинде тылзе – ялозанлык кафедр ден ялозанлык химий да почвоведений кафедр ушнат да ялозанлык да ялозанлык химий кафедр лÿмым налыт.

1992 ий, 25-ше пеледыш тылзе – юридический факультет почылтеш.

1993 ий, 2-шо угинде тылзе – региональный историй кафедр ышталтеш.

1995 ий, 9-ше пургыж тылзе – ялозанлык факультетыште кушкыл саскам аралыме да перерабатыватлыме технологий кафедр пашам ышташ тÿҥалеш.

1995 ий, 13-шо ага тылзе – марий да финн-угор филологий кафедр деч марий сылнымут кафедр ойырла.

1996 ий, 12-шо пургыж тылзе – физике да математике факультетыште почмо электроснабжений специальность негызеш электроэнергетике факультет ышталтеш.

1996 ий, 30-шо теле тылзе – ялозанлык факультет ялозанлык да технологий лÿмым налеш.

1998 ий, идым тылзе – тÿвыра да сымыктыш факультет почылтеш.

1999 ий, идым тылзе – лингвистике да тÿвыра кокласе кыл факультет ышталтеш.

1999 ий, 16-шо теле тылзе – университетыште руш-швед рÿдер почылтеш.

2000 ий, идым тылзе – историй да филологий факультетыште марий да финн-угор филологий кафедр деч марий йылме кафедр ойырла.

2001 ий, ÿярня тылзе – тÿвыра да сымыктыш кафедр пашам ышташ тÿҥалеш.

2001 ий, идым тылзе – лингвистике да тÿвыра кокласе кыл факультетыште кум йот йылме кафедр почылтеш.

2002 ий, пургыж тылзе – ялозанлык да технологий факультет ялозанлык да технологий институт лÿмым налеш.

Лингвистике да тÿвыра кокласе кыл факультет калык кокласе кыл факультетыш савырна.

Кушкылым аралымаш кафедр почылтеш.

2006 ий, ага тылзе – Марий кугыжаныш университет Финн-угор университет-влакын тÿнямбал ассоциацийыштлан негызым пыштыше кокла гыч иктыже лиеш; икымше вашлиймаш Йошкар-Олаште эрта.

2007 ий, пеледыш тылзе – Будапешт олан мэрже Габор Демскин полшымыж дене историй да филологий факультетыште венгр кабинет почылтеш.

2007 ий, угинде тылзе – Марий кугыжаныш университет да Н.К. Крупская лÿмеш педагогике институт иктыш ушнат. Йот йылме факультет, тÿҥалтыш образований факультет, педагогике да психологий факультет, капкультур да спорт факультет, технологий да профессиональный образований факультет университетын ужашыже лийыт.

2007 ий, 25-ше кÿсö тылзе – университетын 35 ияш лÿмгечыже.

2008 ий – марий йылме, финн-угор сылнымут да фольклор, финн-угор йылме-влак кафедр-влак негызеш финн-угор институт почылтеш.

Экономике факультет экономике, виктем да финанс институт лÿмым налеш.

2009 ий – Марий кугыжаныш университет «Европысо качество. Россий Федерацийын 100 эн сай университетше – 2009» шöртньö медаль дене палемдалтеш.

2013 ий, 31-ше ага тылзе – финн-угор институт, тÿвыра да сымыктыш факультет, калык кокласе кыл факультет негызеш калыкле тÿвыра да тÿвыра кокласе коммуникаций институт ышталтеш.