General

ЮРИДИЧЕСКИЙ ФАКУЛЬТЕТ

ФАКУЛЬТЕТ НЕРГЕН

Адрес: 424001, Марий Эл Республик, Йошкар-Ола, Ленин пл.,1

Тел.: (8362) 68-80-26

Факс: (8362) 68-80-00

e-mail: law@marsu.ru

Марий кугыжаныш университетын юридический факультетше практике пашаеҥ-влакын инициативышт почеш почылтын. Ты йодмашым Марий Эл Республикын Президентше сайлан шотлен. Факультет 1993-1994-ше тунемме ий гыч пашам ышташ тӱҥалын, а 1996-шо ийыште Российысе Юридический университет-влак ассоциацийын членже лийын. Университетын ректоржо 1993-шо ийын 2-шо пеледыш тылзын МарКУ-што «Юриспруденций» специальность дене кадр-влакым ямдылыме нерген шӱдыкым кидпалыж дене пеҥгыдемден. 1994–ше ийыште факультетыште заочный пӧлка почылтын, а 1997-ше ийыште – кум специальность дене аспирантур. 1996-шо ий кеҥежым факультет пелен экономико-правовой лицей (кызыт экономико-правовой гимназий) пашам ышташ тӱҥалын. Тушто 100 наре 10-шо да 11-ше класслаште тунемше-влак шинчымашым погеныт.

Факультетыште 1997-ше ий гыч юридический клинике шке пашажым ышташ тӱҥалын.

Юридический факультет классический университетысе образованийым пуымыж дене шкешотан улеш. Тыште тунемме процессым вораҥден колташлан чыла йӧн ышталтын. Специалист-влакым ямдылымаште у эффективный йӧн-влак кумдан кучылталтыт: судысо процессым моделироватлымаш (факультетыште кызыт лÿмын «судебный залым» тидлан келыштарыме); йодыштмаш (допрос) да клиент-влак дене кутырымо нерген видеопрезентаций, кейсовый йӧн да тулеч молат.

Тиде факультетыште кугу опытан шанче доктор да кандидат-влак курс-влакым вÿден шогат.

Факультетыште куд кафедр пашам ышта:

· Кугыжанышын да муниципал управенийын права негызше кафедр,

· Кугыжанышын да праван теорийже да историйже кафедр,

· Российын да йот эл-влакын частный правашт кафедр,

· Уголовный права да процесс кафедр,

· Гражданский права да процесс кафедр,

· Конституционный да административный права кафедр.

Факультетын книгагудыжлан 1996-шо ийыште Марий Эл Республикын Президентшын кугыжаныш-правовой книгагудо статус пуалтын. Тушто 100 тÿжем утла публикаций аралалтеш. Книгагудо тӱрыснек компьютеризироватлалтын.

Юридический факультетысе туныктышо-влакын кӱкшӧ профессионализмышт да туныктымо технологийын тачысе жаплан келшен толмышт Марий Эл Республикын кӱшыл юридический образованийын системыштыже ик эн ончыл верыште лияш йӧным ыштат.

ТУНЫКТЫМО ПРОГРАММЕ-ВЛАК:

Бакалавриат (очный)

Направлений: 40.03.01 Юриспруденций

Квалификаций: бакалавр

Тунемме формо: очный (4 ий)

Направлений: 38.03.04 Кугыжаныш да муниципал управлений

Квалификаций: бакалавр

Тунемме формо: очный (4 ий)

Магистратур (очный)

Направлений: 40.04.01 Юриспруденций

Квалификаций: магистр

Тунемме формо: очный (2 ий)

Направлений: 38.04.04 Кугыжаныш да муниципал управлений

Квалификаций: магистр

Тунемме формо: очный (2 ий)

Бакалавриат (заочный)

Направлений: 40.03.01 Юриспруденций

Квалификаций: бакалавр

Тунемме формо: заочный (4 ий да 5 тылзе / 3 ий да 5 тылзе)

Направлений: 38.03.04 Кугыжаныш да муниципал управлений

Квалификаций: бакалавр

Тунемме формо: заочный (4 ий да 5 тылзе / 3 ий да 5 тылзе)

Магистратур (заочный)

Направлений: 40.04.01 Юриспруденций

Квалификаций: магистр

Тунемме формо: заочный (2 ий да 5 тылзе)

Направлений: 38.04.04 Кугыжаныш да муниципал управлений

Квалификаций: магистр

Тунемме формо: заочный (2 ий да 5 тылзе)

ВУЙЛАТЫШЕ-ВЛАК

Михеева Татьяна Николаевна,

юридический факультетын деканже, профессор, юридический шанче доктор

Яхина Ольга Валерьевна,

тунемме паша шотышто деканын алмаштышыже

Рыбакова Светлана Вениаминовна,

шуарыме паша шотышто деканын алмаштышыже

Бояринцева Ирина Александровна,

заочный формо дене туннеме паша шотышто деканын алмаштышыже

Мокосеева Марина Александровна,

шанче паша шотышто деканын алмаштышыже, доцент, юридический шанче кандидат

Голосова Ирина Михайловна,

тӱҥ бухгалтер

Матвеева Галина Александровна,

тӱҥ документовед