Увер-влак

16.11.2016

Республикысе чо‰ышо студент отряд-влаклан 50 ий

15 ноябрьыште «А» корпусын актовый залыштыже МарГУ-со ССО-влакын слетышт эртыш. Тудо Марий Элысе студент паша отряд-влакым ыштымылан 50 ий теммылан пєлеклалтын. Тиде пайремлан арам огыл тысе залым ойырен налме – 1967 ий 26 декабрьыште лач тыште Марий АССР-ысе областной студенческий отрядын икымше слетшо погынен. Тў‰алтыш жапыште Марий областной ССО-што Марпединститутын да политехнический институтын ӱдыр-рвезышт тыршеныт. Мутлан, 1969 ийыште педагогике институт гыч гына 600 студент, 13 отрядыш чумырген, республике мучко чоҥымо пашам шуктен. 1973 ийыште тиде толкыныш ик ий ончыч почылтшо Марий кугыжаныш университетын студент ешыже ушнен. «Орион» икымше отрядыш физике да математике факультетын икымше курсшо гыч студент-влак да вузыш тунемаш пураш ямдылыме пӧлкан слушательышт чумыргеныт. Тыгак студент чоҥымо отрядын штабым ыштыме, тушко кум    е‰: командир Валерий Чепайкин, комиссар Лидия Канатеева, (кызыт МарГУ-н профком председательже Л.А. Садовина) да член Валентина Янагаева – пурен.

50 ий жапыште студент паша отряд гоч шуко тӱжем ӱдыр-рвезе эртен. Тачысе кечылан мемнан университет пелен 8 отряд пашам ышта. Тиде «Милосердие» студент педагогике отряд, кӱртньыгорно вагонышто тыршыше проводник отряд, «Орленок» йоча рӱдерыште пашам ыштыше «Профессионал» отряд, утарыше-влак отряд да «ВодоходЪ» отряд. Студент-влак «ВодоходЪ» круиз компанийын турист теплоходлаштыже администраторлан, кусарышылан, экскурсоводлан пашам ыштат. Электроэнергетический факультетыште специализацийлан келшыше кок отряд уло: «Энергий» да «Прометей». Нуно элна мучко тӱрлӧ энергообъектыште тыршат. Республикысе студент-влакын тў‰алтышышт почеш эше ик педагогике отряд чумырген. Шукерте огыл тудлан «Ералаш» лӱмым пуэныт. 2016 ийыште студент паша отрядлашке университетын 300 наре тунемшыже ушнен.

Слетын участникше-влаклан «Трудовое лето – это маленькая жизнь» фотовыставкым почмо. «Студент паша отряд-влакын илышышт да йўлашт» экспозицийым, «Эртыше ийлан лаштыкышт» архив материал ончерым вера‰дыме.

Слетыш ССО-влакын ончычсо командирышт, комиссарышт боецышт Марий Эл гыч веле огыл, тыгак пошкудо Киров область гыч уна-влак толыныт. Тыге слет «межрегиональный» статусым налын.

Погынышо-влакым Марий Элысе образований да науко министрын икымше алмаштышыже Татьяна Михайловна Гусакова ден МарГУ-н организационный паша шотышто проректоржо Ирина Петровна Петрова саламленыт.

Республикысе студент отряд штабын командирже Аркадий Аркадьевич Кожевников МарГУ-со ССО-влакын пашаштым кўкшын аклен да штабын Чап кагазшым профориентаций да общественность дене кыл управленийын начальникше Елена Петровна Бересневалан, «Прометей» ССО-н командирже Алексей Чимаевлан, «Ералаш» СТО-н командирже Анастасия Суворовалан кучыктен.

Почетан уна, МарГУ-н стратегический партнержо, ССО-н ветеранже-влак саламлыме мутым ойленыт, шке студент жапыштым да ССО-што пашалыме татым шарналтеныт. Таче МарГУ-то тыршыше 8 СТО-н боецше-влак видео презентацийым ончыктеныт, творческий номерла дене куандареныт.

Чыла уна, ветеран, участник-влаклан шарнымашан медальым, слет символикан пєлекым, СТО командир-влаклан боецын наборжым – рюкзакым, фонарикым, «дождевикым» да кружка-термосым кучыктымо. Слет деч вара чылаштым ССО боец-влакын йєратыме кочкышышт – тушенкан шемшыда‰ пучымыш дене сийлыме.

Мучашлан Республикысе областной ССО-н икымше командирже Дмитрий Евгеньевич Тунгусов кугешнен палемден: «Мемнан тў‰алме пашана ўшанле кидыште. Ий еда ССО-влакын профильышт ешаралтеш, тушко у самырык тукым ушна. Тиде толкын умбакыжат илаш да вия‰аш тў‰алеш».

«Ералаш» СТО-н командирже Анастасия Суворова университет вуйлатыше-влаклан тыгай кугу пайремым эртарымыштлан, у отрядым почаш полшымыштлан таум каласен да стройотряд толкынын чыла участникшым пайрем дене саламлен, пеҥгыде тазалыкым да студент жапысе чолгалыкым тыланен.

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Студенческим трудовым отрядам МарГУ – 50 лет

Короткая ссылка на новость: http://marsu.ru/~6ES93
ВКонтакт Facebook Google Plus Одноклассники Twitter Livejournal Liveinternet Mail.Ru