Увер-влак

22.11.2016

МарГУ-што «Тест-драйв – 2016»

20 ноябрьыште Марий кугыжаныш университететыште ынде кумшо гана «Тест-драйвым эрте» акций калыкым поген. Вузысо факультет ден институтлаште волонтер-влак школ ден профессионал шинчымаш организацийла гыч тунемше, нунын туныктышышт да ача-аваштым вашлийыныт. Ончыкылык абитуриент-влаклан студент билетым, буклетым, папкым, блокнотым, ручкам да моло сувенирым кучыктымо.                     Акций поро йўла почеш ректор Михаил Швецовын видеообращенийже гыч тў‰алын. Вара факультет ден институтлан деканышт туныктымо направлений да специальность-влак, 2017 ийыште вузыш тунемаш налме правил-влак дене палдареныт. Вузысо вўдышє ученый-влак научно-популярный сынан лекцийлам лудыныт. Тиддеч вара ўдыр-рвезе-влак икымше зачетым кученыт, эн сайын сдатлыше-влак «отлично» оценкым шындыман зачет книжкам налыныт.

Самырык-влак коклаште приз розыгрыш лийын. Тыште «Меридиан» столовойыш купоным, фотографироватлалташ, зоологический музейыш билетым модын налыныт. Южылан «Я люблю МарГУ» стелын иземдыме копийже, вуз логотипан USB-флеш-накопитель логалын. Мучашлан толшо-влакым «Студенческая полоска» пирожный да чай дене сийленыт.

Тыгак факультет ден институтлаш, криминалистике лабораторийыш, библиотекыш, спорт заллаш, тоштерлаш экскурсий эртен. Ончыкылык абитуриент-влаклан передвижной планетариийышке пураш, профессор Николян «Четыре стихии» шоужым ончаш, «Айкрафт» оптик салонышто шинча пўсылыкым тергаш, «Т2 Мобайл» компаниий полшымо дене моментальный фотом ышташ йєн лийын. Тест-драйвыш толшо-влакын мутышт почеш МарГУ-што эртарыме тиде акций пеш пайдале.

Елена Михайлова: 6-шо номеран Морко кыдалаш школышто тунемше: «Тест-драйв мыланем пеш келшен. Шканем шуко кўлешаным налынам, пеш о‰ай ыле. Тышке уэш да уэш толмо шуэш. Университетлан тыгай мероприятийым эртарымыжлан кугу тау».

Артем Аликов, тунемше: «Чылажат пеш о‰ай да пайдале ыле. Мый шкемым студент семынак шижам: кидыштем студент билет да зачет книжка. Икмыняр тылзе гыч школышто ЕГЭ-м кучем. А кушко тунемаш пурымо шотышто ом кокытелане. Мый МарГУ-м ойырен нальым».

Тест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУТест-драйв – 2016 в МарГУ

Короткая ссылка на новость: http://marsu.ru/~F8PKz
ВКонтакт Facebook Google Plus Одноклассники Twitter Livejournal Liveinternet Mail.Ru