Увер-влак

21.11.2016

Моркышто Самырык журналистын школжо почылтын

18 ноябрьыште Морко районысо кум школышто: Морко поселкысо кокымшо ден кудымшо номеран кыдалаш школлаште да Кокласола лицейыште – Марий кугыжаныш университет   Самырык журналистын школжым почын. Тудын цельже: журналист паша деке самырык-влакын кумылыштым савыраш, тунемше-влакым ончыкылык профессий дене палдараш да нунын творчество мастарлыкыштым нєлталаш.

Курсыш толшо-влак дене филологий да журналистике кафедрын доцентше Светлана Юрьевна Смирнова вашлийын да йоча-влакым журналист паша дене школышто тунемме годымак палдараш кўлмым палемден. Тиде ончыкыжым профессийым чын ойырен налаш сай полыш лиеш.

Икымше занятийыште журналистике пєлкан студентше-влак вузышто илышыш шы‰дарыме проект-влак нерген каласкаленыт, телевизионный журналистикын негызше дене палдареныт. «Синхрон», «стендап», «закадровый текст», «перебивке» термин-влак мом ончыктымо нерген ойленыт. Тунемше-влаклан модыш программым темленыт. Тыгак нунылан мє‰гє пашам пуэныт.

Журналист школышто вич тылзе тунемман: ўдыр-рвезе-влаклан лекций ден практический занятийлам, тыгак тренинг, деловой модыш, проблемный дискуссийлам темлат. Нуным МарГУ-шко тунемаш пураш творческий экзаменлан ямдылат.

Школын программыштыже – СМИ редакцийлашке экскурсий, газет, журнал редакцийлан пашае‰ышт, теле- да радиовўдышє-влак дене творческий вашлиймаш, шуко молат.

Тунем пытарымеке, Самырык журналист школын слушательже-влаклан МарГУ-н сертификатшым кучыктат, тудо «Журналистике» направленийыш тунемаш пурышо-влаклан льготым пуа.

МарГУ открыл Школу юного журналистаМарГУ открыл Школу юного журналистаМарГУ открыл Школу юного журналистаМарГУ открыл Школу юного журналистаМарГУ открыл Школу юного журналистаМарГУ открыл Школу юного журналистаМарГУ открыл Школу юного журналиста

Короткая ссылка на новость: http://marsu.ru/~JVXnK
ВКонтакт Facebook Google Plus Одноклассники Twitter Livejournal Liveinternet Mail.Ru