Увер-влак

29.11.2016

МарГУ-н студентше – «Универвидений – 2016» та‰ўчашын той призёржо

Сыктывкар олаште «Универвидений» Россий музыкальный проект мучашлалтын. Тудо Коми Республикын рӱдолашкыже Российын 20 олаж гыч 30 утла самырык мурызым чумырен. Нунын коклаште Марий кугыжаныш университетысе юридический факультетын студентше Андрей Дёмин лийын.

25 ноябрьыште «Универвидений – 2016» таҥӱчашын гала-концертше эртен. Тушто сеҥыше да призер-влакын лӱмышт пале лийын. Йӱклымашым иктешлымеке, кумшо верыш Марий кугыжаныш университетын чапшым аралыше Андрей Дёмин лектын.

МарГУ-н воспитаний паша пєлкажын специалистше Татьяна Яндемерован ойлымыж почеш, университет-влак коклаште «эн мотор йӱкан студентым» ойырен налме конкурсышко Российын 23 вузшо гыч самырык-влак ушненыт: Брянск, Тверь, Ярославль, Москва, Челябинск, Йошкар-Ола, Тюмень, Иркутск да моло олала гыч.

Таҥӱчашын кокымшо кечынже эртаралтше концертыште жюри эн шуко баллым погышо 10 финалистым ойырен налын. Тыгак финалыш эше кок участник лектын. Иктыжым онлайн-трансляцийым ончышо-влак утарен коденыт. Вес участникым конкурсант-влакын командышт ойырен. Зритель-влакын йӱклымышт почеш финалыш Андрей Дёмин лектын (тудо 332 йӱкым поген). МарГУ-н студклубшо кажне ийын университет мучко «Универвиденийыш» колташ самырык мурызо-влакым ойырен налеш, кызытат йоҥылышым лийын огыл. Финалыште, чыла баллым шотлымек, Андрей кумшо верыш лектын.  

Мероприятийын кышкарыштыже тыгак «Территория ярких» «Студент шошо» школ эртен. Вич тунемме площадке кокла гыч ик эн оҥайже Event направлений лийын. Тиде площадкыште кузе усталык мероприятийлам о‰айын эртараш туныктеныт. Тиде школышто МарГУ-н студент-влакше Алексей Петров ден Николай Александров шке шинчымашыштым шуареныт. «Пеш оҥай да пайдале лийын. Ме шуко уым пален налынна. Пытартышлан мыланна сертификатым кучыктеныт. Ӱшанем, шинчымашна мыланна гына огыл, тыгак университетланат пайдале лиеш», – ойла Алексей Петров.

«Универвидений» ынде икмыняр ий почела Комиште Питирим Сорокин лӱмеш Сыктывкар кугыжаныш университетыште эртаралтеш. Кызыт фестиваль у кӱкшытыш лектеш. «Россий студент шошо» самырык-влак фестивальым умбакыже шарен да вияҥден колтымо программын вуйлатышыже Ирина Карихын мутшо почеш, 2018 ий марте тиде проект Коми Республике деч ӧрдыжкӧ лектын кертеш. Каласен кодыман, кодшо ийын МарГУ-н студенткыже Ида Симонова, тиде таҥӱчашыште икымше верым сеҥен налын ыле. Тидыже пеҥгыдемда, МарГУ-што ик эн талантан студент-влак тунемыт. Садлан Марий кугыжаныш университет «Универвиденийын» кокымшо рӱдолашкыже савырнен кертеш.

Студент МарГУ – бронзовый призёр конкурса «Универвидение – 2016»

Студент МарГУ – бронзовый призёр конкурса «Универвидение – 2016»

Студент МарГУ – бронзовый призёр конкурса «Универвидение – 2016»

Студент МарГУ – бронзовый призёр конкурса «Универвидение – 2016»

Студент МарГУ – бронзовый призёр конкурса «Универвидение – 2016»

Короткая ссылка на новость: http://marsu.ru/~lFklY
ВКонтакт Facebook Google Plus Одноклассники Twitter Livejournal Liveinternet Mail.Ru