Увер-влак

29.11.2016

ИМиЕН-ын студентше-влак Тӱнямбал биологий универсиадыште лийыныт

18-20 ноябрьыште М.В. Ломоносов лӱмеш Москвасе кугыжаныш университетыште Тӱнямбалсе биологий универсиаде эртен. Тушто МарГУ-н студентше-влак вийыштым тергеныт. Командыште Дарина Лядова (ББ-22), Влада Старинец (БМ-11), Вячеслав Шарапов (БМ-11), Алёна Семенова (БМ-21) лийыныт.

Тӱнямбал биологий универсиаде – командно-личный первенстве, тушто биологий да медицине направленийла дене тунемше студент-влак биологий дене задачым решатлен моштымыштым ончыктат.

Универсиаде МГУ-н биологий факультетыштыже эртен. Тений чылаже элнан тӱрлӧ лукшо гыч 60 команде погынен, 230 еҥ уш-акылжым терген. Тыгак Украине да Иран гыч команде-влак лийыныт.

Универсиаде кок тур гыч шоген: икымше турышто чыла участник письменный пашам шуктен. Кокымшо тур – устный – проектым аралымаш. Проектын темыжым командылан ончылгоч пуэныт да ямдылалташ 6 шагатым ойыреныт.

Команде-влак шкаланышт келшыше – ботанике, зоологий але молекулярный биологий да медицине пӧлкалаште – секцийым ойырен налын кертыныт. Да кажне группышто сеҥышым ойыреныт. Ик секций тичмашынек англичан йылме дене эртен. МарГУ-н командыже «Молекулярный биологий, физиологий, медицинский биотехнологий» секцийыште выступатлен.

Универсиадым иктешлымеке, ИМиЕН-ын студентше-влаклан шарнымашан пӧлекым да сертификатым кучыктеныт.

Вячеслав Шарапов: «Теорий турым поснак палемдынем, йодыш-влак ушым пудыраташ пайдале лийыныт. Культурный программын кузе эртарымыже келшыш, мутлан, ме МГУ-н ботанике садшын «Аптекарь йыра‰» филиалыштыже ончен коштна».

Влада Старинец: «Мемнан лектышна пешак куандарыше огыл гынат, тиде мероприятийым пайдале опытлан да вийым тергаш сай йӧнлан шотлем. Универсиаде – шкешотан мотиваций. Мый эше ик гана умылышым, шанче кӱкшытын мучашыже уке, мыланна тушко кыртмен кўзыман».

Студенты ИМиЕН стали участниками Международной биологической универсиады

Студенты ИМиЕН стали участниками Международной биологической универсиады

Студенты ИМиЕН стали участниками Международной биологической универсиады

Короткая ссылка на новость: http://marsu.ru/~K4OKI
ВКонтакт Facebook Google Plus Одноклассники Twitter Livejournal Liveinternet Mail.Ru