Увер-влак

16.01.2017

МарГУ-н студенткыже Stipendium Hungaricum программе почеш стипендийым налын

МарГУ-што «Тўнямбал кыл» направлений дене 4 курсышто тунемше Виктория Семенова Stipendium Hungaricum программе почеш стипендийым модын налын. Тыгай стипендийым Венгр правительстве эше 2013 ийыште пуаш пунчалын. Нуным вес элла гыч венгр да англичан йылмым тунемаш толшо студент-влак налыт. Тиде программе почеш оксам тўлыде тунемыт, тылзе еда стипендийым налыт, тўшкагудышто нунылан верым ойырат, медицинский страховкым ыштат. Венгрийыште тунеммыж нерген Виктория Семенова тыге каласкала: – Кўлеш документым погымеке, да венгерийысе вузлан представительышт дене икмыняр интервьюм эртымеке, мылам Капошварысе университетыш мияш ўжмашым колтышт. Тысе университет кампус Венгрийыште эн моторлан шотлалтеш. Тушто тунемме жапыште мый англичан йылме дене 11 дисциплиным шымленам. Тиде «Тўнямбал отношений теорий», «Кызытсе историй», «Социальный историй», «Микроэкономике», «Межличностный коммуникаций» да молат. Тыгак венгр йылмын тў‰алтыш курсшым эртенам. Тунемме мучаште, чыла экзаменым сайын кучен, сертификатым налынам. Капошварысе университетыште тунемаш пайдале да о‰ай лийын. Студент йолташем-влак тўрлє элла гыч лийыныт: Кений, Лаос, Индий, Азербайджан, Казахстан, Нигерий, Камерун, Монголий, Турций. Ме тўрлє элласе культурым, йўлам, илышым пален налынна. Тунемме деч посна студент-влаклан тўрлє мероприятийлам темленыт: мутлан, выставке, первокурсник-влакын балышт, Словакий ден Будапештыш миен коштмаш. Ме Венгрий да Евросоюзыш пурышо моло элла дене палыме лийынна. Венгрийын эн мотор олашкыже – Печыш, элын ке‰еж столицышкыже – Шиофок олаш (тудо Балатон ер серыште верланен), Чехий ден Австрийын рўдолашкышт – Прага ден Веныш миенна. Ушеш поснак йот элла гыч толшо студент-влаклан эртарыме тўнямбал кас шарнымашеш кодын. Университет самырык-влаклан кажныштлан именной шарфик ден ручкам, чыла кугыжаныш-влакын флагышт дене сєрастарыме кугу тортым пєлеклыш. Stipendium Hungaricum программе эл-влак да вуз-влак коклаште опыт дене палдараш да кылым пе‰гыдемдаш сай йєным ышта.

МарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налынМарГУ-н студенткыже Stipendium Hungaricum программе почеш стипендийым налын

Короткая ссылка на новость: https://marsu.ru/~gz1D1
ВКонтакт Facebook Google Plus Одноклассники Twitter Livejournal Liveinternet Mail.Ru
Новая версия сайта