Увер-влак

15.12.2017

МарКУ-што поэт Чалай Васлийын шочмыжлан 100 ий теме вашеш мероприятий эртен.

2017 ий теле тылзын 14 кечынже Марий кугыжаныш университетысе калыкле тӱвыра да тӱвыра кокласе коммуникаций институтышто Чалай Васлийын шочмыжлан 100 ий темме вашеш мероприятий эртаралтын. Мероприятийыш поэтын ӱдыржӧ, Анна Васильевна, студент, преподаватель-влак ушненыт.

Икымше курсышто тунемше студент-влак погынышо-влакым поэтын илыш-корныжо да творчествыж нерген ойленыт. Вара мутым поэтын ӱдыржӧ налын. Тудо студент-влаклан ачаж нерген шарнымашыжым каласкален да оҥай факт-влак дене палдарен. 3-шо курсышто тунемше Полина Савельева вашлиймашым муро дене сӧрастарен. Умбакыже студент-влак Чалай Васлийын почеламутлажым мастарын лудшо-влак конкурсышто шке вийыштым тергеныт. Сеҥышыш 1-ше курсышто тунемше Наталья Петрова лектын, кокымшо верыште Анастасия Кулагина да кумшо вер дене Екатерина Никифорова палемдалтын.

Эн сайын почеламутым лудшо-влаклан книга пӧлекым кучыктымо.

Марий йылме да литератур кафедр.

Короткая ссылка на новость: http://marsu.ru/~6pzb6
ВКонтакт Facebook Google Plus Одноклассники Twitter Livejournal Liveinternet Mail.Ru