Поэт Альберт Васильев дене вашлиймаш

 
18.04.2016

Поэт Альберт Васильев дене вашлиймаш

2016 ий 13-шо вӱдшор кечын Марий кугыжаныш университетысе книгагудын калыкле да краеведений литератур пӧлкаштыже Марий Элын уста поэтше, Россий писатель ушемын еҥже Альберт Александрович Васильев дене вашлиймаш лийын. «Поэзий шепкаште» сылнымут ушемын участникше-влак тиде вашлиймашке уло кумылын ушненыт, поэзий нерген шке шинчымашыштым келгемденыт. Альберт Васильев шке илыш корныжо, книгаже-влак, творчествыже дене палдарен. Тудо самырык возкалыше-влаклан почеламутын чоҥалтмыже, рифме, ритм нерген каласкален, шуко сай каҥашым пуэн. Поэт кузе сылнымут корныш шогалын, кӧ тиде пашалан тудым кумылаҥден шоген – самырык-влаклан чыла тидым пален налаш оҥай лийын. Сылнымут мастарын шонымыж почеш, чылажат школ гыч тӱҥалеш, туныктышо йоча-влакым литератур деке кумылаҥден мошта гын, тунам сай лектышыш шуаш лиеш.

Альберт Васильев тӱрлӧ темылан почеламутым воза. Пытартыш жапыште шочшо произведенийже-влакым лудын пуыш. Палемдыман, поэт кусарыме пашаштат тырша, финн-угор йылмыла гыч почеламут-влакым кусара. Ты сомыл нергенат ятыр каласкалыш, финн-угор калык-влакын поэзийыштышт икгайлыкым да ойыртемым палемдыш.

Вашлиймаш пеш пайдале лие. Ӱшанен кодына, самырык-влакат лудшо-влакым у почеламутлашт дене куандараш тӱҥалыт.

«Поэзий шепкаште» сылнымут ушем

Поэт Альберт Васильев дене вашлиймаш

Поэт Альберт Васильев дене вашлиймаш

Поэт Альберт Васильев дене вашлиймаш

Поэт Альберт Васильев дене вашлиймаш


Пºртылаш