Заявка на обучение

Подписаться на рассылку

Письмо в деканат

Задать вопрос

Юридическая консультация

Оставить отзыв

Письмо сотруднику

Замечание

Письмо администрации

Регистрационная форма участника

Приемная комиссия +7 (8362) 64-15-41, 68-80-88 prk@marsu.ru

Приемная комиссия +7 (8362) 64-15-41, 68-80-88 prk@marsu.ru

Марийский государственный университет
Опорный вуз Марий Эл

Федеральное государственное бюджетное образовательное учреждение высшего образования

Меню

Университет

Студент-влаклан конкурс «МАРГУн ЛИДЕРЖЕ-ВЛАК - 2021»

19.05.2021

«МарГУ-н лидерже-влак» – тиде проект чолга да ончыко вӱден моштышо студент-влаклан эртаралтеш

Лидерын тӱҥ сомылжо – шке йыр уста, творческий шӱлышан студент-влакым чумыраш, нунын пашаштым вияҥден колташ да сеҥымашке шуаш полшаш. Тый тиде пашаш ушнаш ямде улат мо? Ме шижына, тый тиде проектыш ушнаш ямде улат. Чылаже 8 трек-номинаций уло, чонетлан келшышым ойырен нал да уш-акыл пӱсылыкетым, творчестве шӱлышетым, чулымлыкетым, команде дене пашам ыштыме моштымашетым ончыкто. Конкурс годым тыланет кугу опытан наставник-влак полшаш тӱҥалыт. Нунын коклаште – мемнан университетын ректоржо Михаил Швецов.

Сеҥыше-влаклан образовательный программым эрташ, университетын партнер организацийлаштыже стажировкым эрташ але тунемаш сертификат пуалтеш. Эн чолга студент-влакын лӱмыштым кадровый резерв спискыш пуртат, университетын вудышӧ специалистше-влак дене наставничество программыште участвоватлаш йӧным ыштат. Эн сай проект-влакым илышыш шыҥдараш университет окса дене полышым пуа.

Конкурсын цель ден задачыже-влак:

Конкурсын тӱҥ цельже – чолга, творческий шӱлышан, лидер качестван, виктем пашам шукташ кумылан студент влакым ойыраш да нунылан вияҥаш йӧным ышташ.

Конкурсын задачыже-влак:

  • мер илышыште граждан чолгалыкым ончыктышо, творчестве шӱлышан, лидер качестван студент-влак кокла гыч университетлан кадр резервым ямдылаш;
  • участник-влак коклаште опытым вашталташ коммуникационный площадкым чоҥаш, эн сайжым шараш да вияҥаш йӧным ышташ;
  • студен-влак радамыште чолга граждан позицийым шуараш;
  • студент-влакым мер илышыште, виктем сомылым шуктымаште чолгалыкыштым вияҥдаш, нунын усталыкыштым шуараш;
  • университетын студентше да выпускникше-влакын мер илышыште да профессионал чурий-сыныштым сай могырым ончыкташ.

Конкурсын уастникше-влак:

Конкурсыш Марий кугыжаныш университетыште бакалавриат, специалитет, магистратур направлений дене очно формышто тунемше студент-влак ушнен кертыт.

Кажне студент ик гана веле регистрацийым эртышаш.

Конкурсышто участвоватлаш кумылан студент-влак информаций системыш (руш йылме дене) йодмашым регистраций петырыме кече деч ончыч пуышаш улыт.

Йодмаш пелен ойырен налме номинаций дене электрон портфолиом, шкевуя возымо видеонитервьюм пижыктыман. Видеоинтервьюшто умылтарымаш да кумылаҥдыше ужаш лийшаш, тыгак мо дене темлыме материал кӱлешан да молан тудо сеҥышаш.

Участник-влак шкешт нерген чын да тичмаш информацийым ончыктышаш улыт.

Конкурсын номинацийже-влак:

Студент-влак конкурсышто участвоватлаш йодмашым тыгай номинаций дене пуэн кертыт:

«Спорт»

Цель – спорт сферыште пашам ыштен кртше, кӱкшӧ лектышыш шуаш тыршыше самырык ен-влакым ойыраш. Тиде номинацийыште таҥасыше студентын спорт сферыште лектышыже лийшаш. Тудо таза кап-кылан, кӧргӧ куатан, у сеҥымашлан ямде лийшаш.

«Шанче»

Цель – шанче корныш шогалше самырык тукымым ик вереш чумыраш. Университетыште да эл кӱкшытышӧ шанче йодышым вияҥдарен колташ самырык тукымым ямдылаш. Шанче номинаций шымлыме паша деке кумылан еҥ-влакым ойырен налаш полша. Самырык шанчызе-влак шымлыме пашан кӱлешлыкше, тӱрло лектышыш шумышт нерген каласкалаш тунемыт. Университетыште шанче рӱдер-влакым почаш, шымлымаш пашам нангаяш, тидын гоч университетын чапшым регион да эл кӱкшытыштӧ нӧлташ йӧн шочеш.

«Управлений»

Цель – жаплан келшыше у шинчаончалтышан университет вуйлатышым ямдылаш. Конкурсант конфликт ситуацийым ужын да руден моштышаш. Вуйлатыме пашаште тӱрлӧ кӱштымашым пуэн, полономочийым шеледен да тичмаш команде дене пашам ыштен моштышаш. Вуйлатыме пашам шуктумо годым сотрудник-влакын кумылыштым ужын моштышаш, цель шындалтын гын, тудым шуктышаш.

«Тӱвыра»

Цель – тӱвыра да сымыктыш аланыште пашам ышташ кумылан студентым ойыраш.

Конкурсын участникше тӱвыра, сымыктыш аланыште шкежым ончыктышаш – тӱрло проект-влакым университет илышыш шыҥдарышаш. Ышташ шонымо пашаже университет илышым оҥай до пайдале корныш савыраш полшышаш.

«Пиар: СМИ да журналистике»

Цель – самырык-влакым медиа да рекламе сферыште пашам ышташ ямдылаш. Номинацийын участникше-влак журналистике пашам у кӱкшытыш нӧлталаш полшат, калыкын тӱняумылымашыжым илышыш шыҥдарат.

«Волонтерство»

Цель – университетыште шке кумыл дене социал полышым пуаш ямде улшо, ушем-влакын пашаштым умбакыже вияҥден колташ еҥ-влакым ойырен налаш.

«Амалкалымаш»

Цель – экономике да амалкалыме пашаште утларак чолга самырык еҥ-влакым ойырен налаш. Номинацийын участникше-влак шке проектыштым илышыш шыҥдарен моштышаш улыт. Проект-влакым комерций йогыныш виктарен моштышаш улыт.

«Цифровой технологий»

Цель – кугу вий куатан, цифровой технологий полшымо дене пашам ыштен кертше специалист-влакым ойырен налаш полша. Илышыште у технологий полшымо дене ыштен лукмо продукцийым утрарак шараш тарата.

Конкурсын оргкомитетше:

Конкурсым ректорын приказше дене пеҥгыдемдыме оргкомитет вуйлата.

Оргкомитетын составше: ректор – Оргкомитетын председательже, проректор-влак, кажне номинацийлан вуйын шогышо управлений-влакын вуйлатышышт. Конкурсым организоватлыме да эртарыме нерген йодыш-влак коллегиально ончалтыт.

Оргкомитетын каҥашыж почеш, кажне номинаций дене 5–7 еҥ гыч эксперт группо чумыралтеш. Тудо сеҥышыш лекше студент-влакым рашемда да оргкомитетыш колта. Оргкомитет эксперт группын оймутшым каҥаша да сеҥыше-влакым протокол дене пеҥгыдемда.

Конкурсым эртарыме радам:

  • Участник-влакым регистрироватлымаш: 10–25 ага тылзе 2021-ше ий.
  • Онлайн – тестым возымо этап: 15–25 ага тылзе 2021-ше ий.
  • Тӱҥ этап – ойырен налме номинацийыште моштымашым тичмашын тергымаш: 25 ага тылзе – 05 пеледыш тылзе 2021-ше ий.
  • Конкурсын пытартыш этапше: 08–10 пеледыш тылзе 2021-ше ий.
Видеоинтервью – I-ше блокын дистанционный йӧн дене эртарыме этапын заданийже. Конкурсын участникше-влак кок йодышлан вашмутым пуат:

1. Могай цель дене тиде конкурсыш лектын улыда?
2. Тендан эн кугу профессионал сеҥымашда могай?

Интервью 30 секунд гыч 3 минут марте шуйна. Видеоинтервьюм возымо годым памяткылан эҥерташ лиеш.

II блокын дистанционный йон дене эртарыме онлайн тестирований. Тиде этапым эртарыме годым теве мом шотыш налман:

  • тест йӧн дене вуйлатыме паша нерген участникын шинчымашыжым тергымаш;
  • тестированийын лектышыж почеш кажне участникын рейтингше рашемдалтеш.

Конкурсын тӱҥ этапше очно формо дене эрта. Тиде этапым эртарыме годым теве мом шотыш налман:

  • ойырен налме этапым сайын эртыше-влак титчмашын аклаш полшышо паша-влакым шуктат (тӱшкаште да шкет);
  • тичмашын аклыме лектыш почеш кажне участникын шкешотан верже (рейтингше) палемдалтеш;
  • рейтинг почеш кажне номинацийыште сеҥыше-влак палемдалтыт;
  • тӱҥ этапым эртарыме годым эксперт-влак туныктымо сынан да кылым кучымо мастарлыкым шуараш полшышо мероприятий-влакым эртарат.

Конкурслаште сеҥыше-влакым аклыме приз ден награде:

  • тӱрлӧ образовательный программе почеш тунемаш да университетын партнержо-влак дене стажировкым эрташ сертификат пуалтеш;
  • конкурсышто сеҥыше-влакын проектыштым илышыш пурташ окса ойыралтеш;
  • сеҥыше-влак университетын кадровый резерв спискыш пурталтыт, ончыкшым нунылан пашаш пураш да тӱрлӧ пӧлкам вуйлаташ йӧн ышталтеш;
  • самырык-влакым шуарымаште кугу опытан туныктышо-влакын полшымо программыште участвоватлаш да тӱрлӧ пӧлкаште стажировкым эрташ йӧм ышталтеш.

Возврат к списку

Последние объявления

Новый набор!

C 4 октября 2021 года объявляется набор на заочную форму обучения 53.03.02 Музыкально-инструментальное искусство 15 человек внебюджет.

04.08.2021

Объявление

Заседание Ученого совета МарГУ состоится в понедельник, 28 июня 2021 года в 14.00 час. (аудитория 329 корпус «А»)

21.06.2021



Календарь мероприятий

Отчеты
с прошедших
мероприятий

  • 2
    Цифровому маркетингу в регионе быть!
  • 3
    Экономический факультет стал участником проекта «Поделись своим знанием»
Все фотоотчеты